HALIMA MDEE ATUPWA LUPANGO NA MADIWANI WAWILI,MHE. WAITARA NAE ATAFUTWA KUJIBU TUHUMZA ZA KUFANYA VURUGU UCHAGUZI WA MEYA WA JIJI

Mbunge wa Chama cha Demokrasia na Maendeleo (CHADEMA), wa jimbo la Kawe na Madiwani wawili wa chama hicho jana walihojiwa na polisi kutokana na vurugu zilizotokea katika uchaguzi wa Meya wa Jiji na hivyo kuahirishwa.

Jana Mchana Mbunge huyo wa Kawe aliwasili katika kituo kikuu cha Polisi akiongozana na Mbunge wa Bunda Mhe. Esther Bulayo ambapo waliingia katika kituo hicho na kukaa kwa masaa kadhaa ambapo hakukuwa na taarifa kamili ya mahojiano hayo yalihusiana na nini.

Halima mdee akizozana na polisi mara baada ya kuingizwa kwenye gari

Aidha madiwani wawili waliohojiwa na polisi wa kata za Mbezi na Salanga pamoja na Kada mmoja wa Chama hicho ambae hakuweza kufahamika mara moja nafasi yake ambapo wote walishikiliwa na jeshi hilo kutokana na tuhuma za kuhusishwa na vurugu hizo.

Aidha Jeshi la Polisi limesema kuwa linaendelea kumtafuta Mbunge wa Ukonga kwa tiketi ya CHADEMA, Mhe. Mwita Waitara kwa mahojiano zaidi kutokana n a vurugu hizo.

Uchaguzi wa Meya wa Dar es Salaam ulihairishwa siku ya Jumamosi baada ya katibu tawala wa Mkoa wa Dar es Salaam Therisia Mbando kutangaza kutofanyika uchaguzi huo kutokana na zuio la Mahakama.